බඩේ පහරක්
වැදුනා වාගේ
කඩේ බත්මුල්
අපට නෑනේ
ඇගේ වකුගඩු
තිබුණා වාගේ
විකුණලා ණය
ගෙවමි රාළේ
අනේ අපි අද
ඉඳන් පාරේ
පණේ නෑ
තොපි බීලා සාරේ
පෝර දුන්නෙත්
උබයි රාළේ
උබේ කීමට
අපිත් නෑවේ
සිංහලේ අපි
හැදුව හාලේ
ලෝ වටේටම
දුන්න හාලේ
විසිකළා තොපි
හතර ගාතේ
පෝර මුලකට
දුන්න කාලේ
කාංචනා අබේකෝන් ✍️
තනි තනිව ගත් කළ
ඇතෙක් අඩු වටිනාකමක්
විටෙක මැදට - අගට
මෙන්ම මුලට ද විත්
හිඳ පෙන්වයි
මහා විස්කම් - ඉලක්කම්
කාංචනා අබේකෝන් ✍️
වසන්තය කියන්නේ
ජීවිතේ එන
ලස්සන ම ලස්සන කාලයක්..
නමුදු
ඒ
ලස්සන ම ලස්සන
වසන්තය
සියැසින්
දකින්නට
මා
හට
වරම් ලැබෙන්නේ
කවදා දෝ ?
කාංචනා අබේකෝන් ✍️
නළල සිප
ගෙල සිඳින
විෂ ඝෝර
නරුමකම
නිරුවතින් හිඳ
අනුන්ගේ නිරුවතට
සිනහ වෙන
වීදුරු නිවහන්හි දිවි ගෙවන
අනුන්ගේ නිවහනට
ගල් ගසන
කුහක ගති
රජකම් කරන
ලොවක අප දිවි ගෙවන...
කාංචනා අබේකෝන් ✍️
සෙනෙහස කිරි කඳුළු කර
ජීවිතය දුන්
අම්මාට..
දැන් කියමු
පව් ටිකක් අරවන්න..
දුව පුතා රජුන්වනු දැක
හීනෙන් හිනා වුනු
අප්පච්චීට..
දැන් කියමු
ඇත්තටම හිනාවෙන්න..
කාංචනා අබේකෝන් ✍️
ගිනි කාෂ්ඨක
අව් රශ්මියේ..
හිරිගඩු පූදින
වැසි කුණාටුවේ..
ගව්වෙන් ගව්වට
දුර කතරක
ඇවිදින..
ජීවන බර
කරමත
පින්නාගෙන..
කරගැට
මතුවන දෙඅතත්
පිරිමදිමින් හිනැහෙන..
පුංචි මන්දිරේ
දුක් ගැහැට නිවමින්..
චූටි කැදැල්ලේ
නොසැලෙන
සෙනෙහසේ
ප්රාකාරයයි
නුඹ
අප්පච්චී❤️
කාංචනා අබේකෝන් ✍️
නැගෙන්නට එපා කිව්වත්
හිරු නැගෙනවා🌞
බැස යන්නට එපා කිව්වත්
සඳ බැස යනවා🌛
ගලන්නට එපා කිව්වත්
නදී ගලනවා
සිඳෙන්නට එපා කිව්වත්
වැව් සිඳෙනවා
පූදින්නට එපා කිව්වත්
මල් පූදිනවා🌼
දිලෙන්නට එපා කිව්වත්
තරු දිලෙනවා☀️
සිතන්නට එපා කිව්වත්
සිතිවිලි
දෝරේ
ගලනවා 😍❤️
කාංචනා අබේකෝන් ✍️
කුරුල්ලන්ගේ
කීචී බීචි හඬ මැද්දේ
ළා හිරු කිරණත්
මඳ නළ පවනත්
මීදුම් පටලයත්
අතරින්
සීත පිනිබිඳු රැගත්
හිමිදිරිය
කෙමෙන් කෙමෙන්
පිල් කඩට
දෝර ගලන්නේ
සියලු සත හට
සෙනෙහස
පතුරවමිනි..
කාංචනා අබේකෝන්✍️
සංසාරගත බැඳීමට
මම තවමත්
පණවගේ ආදරෙයි...
කෙසේ අමතක කරන්නද
ඒ සොඳුරු අතීතය...
වරක් නොව
සිය දහස් වරක්
දැනෙයි ඔබේ උණුහුම
මා හදට...
පායන ඉර හඳ තරුවැල්
ළඟට ගෙනත් බෙදන...
සුපිපුණු වනමල් තුරු ඵල
සුවඳ කවා සැනසුම් දෙන...
දිවියම හැඩ කරවාලන්නට
මේ කුරිරු ලොවෙන් ජයගන්නට
අලුත් ඇසක් මවලා දුන්
ඔබේ ඒ යහගුණදම් මිස
අන් කවරක් පිහිට වෙත්ද ?
පාසල් මව්නි,
නුඹ ගැන මතකය ස්නේහය
සැමදා රැඳේවි මා හදේ...
අවසරයි සමුගන්න
වෙන කුමක් කරමි මම ......
කාංචනා අබේකෝන් ✍️
දෑත් සියුමැලි
සිත් ගොරෝසු
විෂඝෝර
මිනිස්
වෙස්ගත්
නොමිනිසුන්ගේ
දඩබ්බර
දිවි
අතර
දෑත් කරගැට
සිත් අහිංසක
වසන්තය සොයා
පිය මනින
සිත් සංවේදී
මිනිසුන්
සිටී
මෙලෙසේ...
කාංචනා අබේකෝන් ✍️
හදේ කැටිකොට
දෙඅතේ විරියෙන්
අප්පච්චී
ගතේ දහබිදු
හිතේ හයියෙන්
රුපියලට පන දුන්
අප්පච්චී
කෙළිලොල් සිනහවට
විදි දුක් ගැහැට
වසන් කරනා
අප්පච්චී
බුදු පුතකු වන
පැතුමන්
අත්හැරියදෝ
මගෙ අප්පච්චී ❤️🌹❤️
කාංචනා අබේකෝන් ✍️
